Galaxy S10 është diskutimi kryesor i kohëve të fundit për sa i përket pajisjeve të reja që priten të vijnë për konsumatorët nga ana e kompanive të mëdha prodhuese.
Tashmë prej kohësh flitet nga burime shumë pranë kompanisë se GalaxyS10 do të ketë katër versione të ndryshme, duke përfshirë një version të saj me një çmim të përballueshëm me një ekran të sheshtë, si dhe gjithashtu një version mjaft të shtrenjtë që do të përmbajë rrjetin 5G.
Raporte të vazhdueshme dhe të ndryshme kanë thënë gjithashtu se këta telefona do të kenë një seri kamerash, ku vetëm modeli 5G do të ketë në total 6 kamera. Gjithashtu thuhet se të gjitha modelet e Galaxy S10 do të kenë një ekran pakufi pra një ekran cep më cep dhe kufizimi i vetëm i ekranit do të jetë një kamera që qëndron në cep të ekranit. Por sipas të dhënave të fundit Samsung mund të ketë planifikuar tëprezantojë celularin më 20 shkurt, disa ditë përpara MWC 2019, gjatë një eventi për pajisjet e reja të Samsung.
Telefoni do të jetë i disponueshëm për porosi të mëparshme në atë datë, duke goditur dyqanet më 8 mars, shkruan raporti. Tre versione do të jenë në dispozicion fillimisht për shitje, modeli me ekran të sheshtë 5.8 inç, Galaxy S10 6.1 inç dhe Galaxy S10 + 6 inç. Raporti gjithashtu thotë se telefoni do të ketë një ekran Infinity-O me një sensor fingerprint dhe ultrasonik në brendësi të tij. Gjithashtu, telefonat nuk do të kenë skaner të irisit, dhe nuk ka lajme për ndonjë alternativë të përditësuar të njohjes së fytyrës, vëren raporti. Disa ditë më parë, një raport sugjeroi që Samsung mund të punojë në një alternativë të ID-së së fytyrës. Burimi gjithashtu dha detaje edhe për hapësirën ruajtëse të modeleve të reja të Samsung, si dhe strukturën e propozuar të çmimeve.
Galaxy S10 me ekran 5.8 inç 128GB: 846 dollarë
Galaxy S10 me ekran 6,1-inç 128GB: 1,010 dollarë
Galaxy S10 me ekran6,1-inç 512GB: ​​1,264 dollarë
Galaxy S10 + me ekran 6,4-inç 128GB: ​​1,137 dollarë
Galaxy S10 + me ekran 6,4-inç 512GB: ​​1,390 dollarë
Galaxy S10 + me ekran6,4-inç 1TB: ​​1,770 dollarë
